Pos Chikito – Diabierna marduga polis ta bay poco pabou di rotonde di Pos Chikito, caminda un auto a dal contra e vangrail.
Na yegada di polis nan ta topa cu un Hyundai Accent y e chauffeur kehando di dolor.
Segun e chauffeur su version, un otro auto lo a hala bin den su direccion y pa evita un posibel boksmento frontal ela haye ta desvia.
Durante su maniobra, e lo a perde control ariba su auto y bay dal contra e vangrail, kibrando esaki.
Ambulance a presenta y a transporta e chauffeur pa hospitaal. Famianan a presenta pa take care di e auto.
Algun rato mas prome ariba e mes un green corridor aki a sosode un otro accidente, cu basta daño material. Esaki tawata parti pabou di e brug nobo, cu lo tin apertura cu un fiesta diabierna 1 di september.