Home Uncategorized Aruba a cera conoci cu nos reinanan di Cultura 2017, na Centro...

Aruba a cera conoci cu nos reinanan di Cultura 2017, na Centro di bario Brazil

SHARE

Brazil: Recientemente a tuma lugar e elecion y coronacion di nos reinanan di cultura, Damita Cultural, Dama Cultural, Gran Dama Cultural, Dama Grandi Cultural y Pilar Cultural 2017. Esaki a tuma lugar un biaha mas den Centro di bario Brazil. 

E resultado di e elecion  di nos reinanan di cultura  2017

  • Damita Cultural 2017 a sali Maybelline Henriquez, representando e grupo di baile “Dazzling Dancing Divas”.                                                                                                                                                                
  • Dama Cultural: Anaïsa Orman, representando e grupo di baile @The Chaz Modeling & Talent School.
  • Gran Dama Cultural: Sue- Ann Croes, representando FCCA.
  • Dama Grandi Folklore: Elizabette Werleman- Werleman representando e gruponan, Rosea Cultura y Tipico Alegre Cadushi Largo.                                      
  • Dama Grandi Cultural: Bertha Willems. representando Fundacion Bernadina Growell Kock.                
  • Reina Pilar Cultural: Estefana Gregoria Tromp Gil                                           

Centro di Bario Brazil, ta felicita tur e candidatanan pa nan excelente trabao, tambe e comision pa nan trabao grandi, na tur e reinanan saliente, na e reinanan actual,                                                                     Baby Folklore: Ryxianne Ras; cu 4 aña di edad representando e grupo di baile “Dazzling Dancing Divas”. Baby Cultural: Angelou Tromp; cu 4 aña di edad: representando “Anglo kleuterschool”. Chikitin Cultural : Xielle Koolman; cu 9 aña di edad: representando e grupo di baile “Gucci Dancers”. Prenda Folkore: Shekeenah Schwengel; cu 12 aña di edad, representando su grupo di baile “Dazzling Dancing Divas”.
Prenda Cultural: Nyah Koolman; cu12 aña di edad: representando su grupo di baile “Gucci Dancers”.        

Na tur nan famia, na e lidernan cultural, na e cuerpo di hurado, na prensa,  fanaticonan y publico presente, na e maestro di ceremonia Addonsito Croes pa un excelente trabao, na e invitadonan special, na tur boluntarionan di Centro y gran sostenedonan di nos cultura y tur persona cu tabata presente pa biba cada momento hunto cu e reinanan tur e emocion, e pasion y amor pa nos folklore.

Un anochi sin duda yena di color, historia, papiamento, musica, baile, teatro, tempo di ayera, trahenan tradicional, shownan hopi bunita y cultural.

Centro di bario Brazil kier a gradici di curason tur candidata saliente pa e promocion y  trabao sublime cu nan a haci durante un aña largo.

Na e reinanan actual tur clase di exito, dedicacion, pasion, simpatia y alegria cu boso trabao y tarea cu boso tin awe den boso man, di carga boso titulonan, manera boso corona y nos cultura cu tur responsabilidad. Hiba nos folklore den boso curason y hiba e mas aya, na nivel internacional. mas poderoso, mas fuerte, mas dilanti, manera e merece di ta, Forsa pa defende loke ta di nos y cu nos a hereda.

Huntu nos ta grandi y pa nos tur como un solo famia, mil felicitacion, danki pa haci di e edicion number 7 uno hopi grandi, historico  y exitoso.