Home Uncategorized Otro detencion mas den e caso IBIS, e biaha aki e secretaria...

Otro detencion mas den e caso IBIS, e biaha aki e secretaria principal di Minister Paul Croes a keda deteni como sospechoso

SHARE

Oranjestad, Diamars mainta  ta drenta un informe cu un rato pasa un otro detencion mas ta cay den e caso IBIS, e biaha aki ta trata di e secretaria principal di Minister Paul Croes, di inicial S.A.

MInister Paul Croes ta wordo sospecha pa ambtelijke corruptie, cual ta encera primordialmente cu e minister di labor anterior tabata pidi y/of tuma placa di soborno en cambio di un exencion (ontheffing) di e toets di arbeidsmarkt.

Un arbeidsmarkttoets positivo di parti di DPL (Departamento di Progreso Laboral) of un ontheffing di esaki ta un condicion pa DIMAS saca un permiso di trabao na Aruba.

E ontheffingnan tabata wordo saca dor di e minister, den mayoria di e casonan, despues cu DPL a duna conseho negativo. Cu e ontheffing aki, stranheronan tabata por a haya permiso di trabao.

Esaki ta bira e di 4 persona actualmente deteni den e caso  IBIS

E caso IBIS ta sigiendo su rumbo y no ta descarta cu mas hende lo por keda deteni den e dianan nos dilanti.