Home Uncategorized #61 Atraco arma riba e negoshi di bril Solé den centro di...

#61 Atraco arma riba e negoshi di bril Solé den centro di cuidad

SHARE

Oranjestad: # 61, Diamars algo prome cu 6’or ta sosode e di 61 atraco arma, e biaha aki ta riba e negoshi di bril Solé, cu ta keda full na e parti panort di Plaza Daniel Leo. 

Pa mas o menos 7’or di mainta polis ta haya e informe cu un atraco arma lo a tuma lugar riba e Security di e negoshi di bril Solé, mesora un patruy a ta bay na e sitio.

Na yegada nan ta papia cu e security, kende ta conta cu e tabata canando dilanti di e negoshi, na momento cu dos homber ta yega para dilanti di e negoshi, nan ta bisa e security, pa e bin tende. E la cana bay cerca nan y nan a puntre cua tienda e ta cuida y ela mustranan e  negoshi di bril. Mesora un di e hombernan a lanta su flanel y a mustra e security un arma di candela y a bise pa e move. Mas dilanti tabata tin tres otro homber mas, den cual un tabata tin cara tapa, nan tabata jong.

E security mesora a obedece y a hala for di ey dilanti, despues cu e 5 personanan aki a bandona e sitio, ela bolbe dilanti e negoshi. Ela bin ripara cu enberdad nan a drenta den e negoshi tabata tin bril benta riba vloer, aparentemente nan lo por tabata tin un yabi special y lo a logra habri e negoshi aki y a baha na awa cu varios articulo. 

E polisnan na e sitio a tuma tur datos y a pidi pa presencia di atraco team, esaki ta bira e di 61 atraco pa aña 2017.