San Jose, Costa Rica: Na Costa Rica desde comienso di Juni tin 19 persona cu a fayece door di a bebe bebida alcoholico cu tabata contene metanol, pa e motibo aki Gobierno di Costa Rica a emiti un alerta nacional pa e pueblo ta mas pendiente di locual nan ta consumi y pa asina evita cu mas hende lo por perde nan bida.
Autoridad Costaricense a confisca 30 mil botter di bebida alcoholico cu ta contente metanol.
E casonan di fayecimento a sosode den e cuidadnan di San Jose, Cartago, Limón, Guanacaste y Heredia, den e ultimo dos lunanan. E pueblonan no ta cerca di otro, Limón y Guanascaste, ta esunanan mas aleja di otro, mas di 300 Kilometer di otro, esaki kemen cu e botternan di alcohol contamina no ta den un area so pero ta na diferente parti di e pais.
Entre e personanan cu a fayece 5 tabata muhe y 14 tabata homber, y nan edad ta varia di 32 aña pa 72 aña. For di 2 pa 8 di juni, tabata tin un caso y di 23 pa 29 tabata tin dos caso, di 30 di juni pa 6 di juli dos caso, di 7 pa 13 di juli 8 caso y for di 14 pa 20 di juli a bin 6 caso mas acerca.
Investigacion di causa di morto a indica cu e personanan aki a cunsumi bebidanan alcoholico cu gradonan halto di metanol.
Metanol ta un likido hopi toxico, cu ta wordo usa como anticongelante,(pa defrost), como dissolvente y combustibel. Metanol no ta apto pa consumo humano
Maske tur e riesgonan cu e tin pa cu salud di hende, algun productor di bebida alcoholico a yega di use, pa rende e bebida pa asina aumenta e cantidad di likor cu nan ta bendiendo sin meste inverti den e bebida original, pa asina logra haya mas ganashi y ademas aumenta e efecto di ta burachi mas hopi ainda den e personanan cu ta bebe.
E Kimico aki por causa mareo, burachi, dolor di cabes, incapas di move bo musculonan, falta di coordinacion, hopi dolor di stoma y si bebe di mas e por resulta fatal.
Oficialnan di gobierno a logra confisca 30 mil botter di bebida conteniendo Methanol, entre na “Aguardiente Molotov” y Guaro Gran Apache, ambos ta bebidanan tradicional destila di caña.
Segun World Health Organization, un tiki di methanol ta masha comun den bebidanan fermenta, pero den cantidad grandi y por haci hende hopi malo.
E problema ta cu methanol ta hopi mas peligroso cu alcohol, methanol por hacibo ciego, daña bo rionnan y sin realisa cu bo por te hasta muri di dje.
Apararentemente cu mas sigur esaki, tin di haber cu den un forma of otro lo a comete un eror, na momento cu tabata a trahando ethanol pa ekibocacion a traha methanol.
Autoridad tin bista riba bebidanan alcholico traha di caña. especialmente despues di morto di varios merican, durante y hopi lihe despues di nan hospedaje na hotel nan na Republica Dominicano y na Mexico.