127
Hato – Diasabra marduga 3’or pasa polis a bay rotonde di Elmar na Hato, unda un brommer a accidenta.
Segun nos a compronde e brommer tawata bayendo direccion pariba esta pa Tanki Flip.
Dado momento un bestia lo a crusa su dilanti, causando cu ela cay y herida su mes.
Na yegada di polis nan ta haye na banda di caminda ariba acera.
Algun persona cu a pasa eybanda a dune un man. E brommer a wordo lanta di caminda y a yude move di ariba caminda, di e manera ey evitando algo peor.
E motociclista a haya corta na pia y su cabes, e tawata na tino.
Ariba caminda tawata tin azeta basha, a benta tera ariba esaki pa evita desgracia.
Ambulance tambe a presenta y Paramediconan a bay atende cu ne.