Paradera – Diasabra merdia pa mas o menos 12’or, informacion a drenta di un auto cu lo a pega candela na Citgo Paradera.
Mesora a pone tanto polis y brandweer na altura. Na e sitio mirando e peliger, gerente mes a drenta den accion.
Usando brandblus poeder.
Auto a caba di tank
E Toyota Starlet lo a caba coy gasolin, caminda a cuminsa un candela den e motor.
Harnas den e auto lo a pega candela.
Door cu e auto ta na pomp eynan mes y e peliger ta hopi grandi a usa e brandblusser.
Y ora cu e candela a paga mesora a pusha e auto mande parti pazuid, pa evita cualkier eventualidad.
Brandweer na yegada no tawata tin mucho trabou mas, pero a baha y a pone nan mes na altura di kiko tur a pasa.
Polis a tuma datos di e chauffeur tambe na e sitio.
Pues actuacion rapido di gerente di Citgo Paradera a evita un posibel desaster.