Caya Frere Arnold – Diasabra marduga pa mas o menos 3’or informacion a drenta cerca polis di un accidente den Caya Frere Arnold.
Na prome instante a papia di hit&run, e ultimo aki ta masha comun mes aki na Aruba. Na yegada di polis a resulta cu esaki no ta e caso.
Nan ta haya un Nissan March hinca den e cura kibra, indicando cu e auto aki a kibre.
Na e sitio ta topa cu un pareha, ambos studiante di Xavier University.
Segun nos a compronde nan lo tawata discuti momento cu e accidente a sosode.
Polis a laga busca e Alcohol Sensor pa test e chauffeur.
Na e sitio a bisa cu e dama tawata stuur, pero doño di e cas a mira e homber baha di unda e chauffeur ta sinta.
Durante e test pa supla esaki no tawata bay manera mester ta y a bay over na detene e studiante.
E studiante a wordo transporta pa warda di polis.