Un truck carga cu santo ta sak den un pos, a dura basta largo y cu hopi dificultad a bin logra saca e dump truck for di e pos. E truck a haya basta daño material na e parti abou di e truck.
Alto Vista: Diabierna den oranan di atardi ta drenta un informe cu un truck a cay den un pos na Altovista. E truck di 12 yarda carga cu graniet a bay reverse pa asina por a basha e santo na unda cu e mester a wordo basha. E chauffeur di e truck a reverse y no a tene cuenta cu un pos cu tabata tin net patras di e truck, ela para net na e rand y esaki a sak den otro, causando cu e truck su wiel patras banda di chauffeur a bay completamente den e pos.
E truck a keda di banda cu su wielnan di dilanti na halto. E personanan encarga cu e truck mester a busca ekipo pa trata na saca e dump truck for di e pos.
E graniet den e truck a wordo saca prome y despues a trata cu un backhoe por medio di cabelnan di staal, a ranca e truck y asina a logra saca e truck for di e buraco aki.
Despues di basta intento e personanan encarga cu e truck a logra, pero cu hopi dificultad si, nan a saca e truck for di den e pos.