Palm Beach: Diamars algo prome cu 9’or di anochi, ta sosode un accidente na altura di Barcelo Beach Resort, un trahador di e hotel tabata yegando trabou y ta cay na momento cu e tabata bahando for di un bus di Arubus. E dama a keda herida y mesora a pidi pa presencia di polis y ambulance.
Na yegada nan ta bin compronde cu e trahador tabata bahando for di e bus, na e porta patras, e bus pa un of otro motibo, a mane bay un poco dilanti. Esaki a pone cu e dama a hera un step y a cay.
E chauffeur mesora a para e bus y a bay mira kiko a pasa cu e dama. E dama a keda benta abou y tabata tin hopi dolor na su curpa, ta trata di un dama cu recientemente a haci un operacion di aparentemente lomba.
Despues cu personal di ambulance a trata e dama, ela wordo transporta cu ambulance pa hospital. Na yegada na hospital tabata tin mediconan wardando riba dama aki.
