Home » Polis a controla chauffeurnan cu ta core bou influencia

Polis a controla chauffeurnan cu ta core bou influencia

by Admin
0 comments 79 views

200 CHAUFFEUR A WORDO CONTROL DURANTE CONTROL POLICIAL NA SAN NICOLAS

MACUARIMA, ARUBA: Diabierna ultimo Polis uniforma di San Nicolas a tene nan control di trafico. E control tabata dirigi riba maneha bou influencia di alcohol.

Mas cu 10 polis uniforma a para na sitionan strategico den e area di San Nicolas pa asina haci nan control den trafico.

Un total di 200 chauffeur a wordo controla di cual 31 chauffeur a haya boet. Como tambe tabata tin 4 detencion di chauffeur cu a surpasa e limite y tabata hopi bou influencia. 3 di nan, nan rijbewijs a wordo kita. 3 chauffeur tambe a haya un prohibicion pa maneha nan vehiculo di cual preventivamente nan famia por a pasa buscanan.

Esaki tabata iniciativa di polisnan uniforma di San Nicolas cu ta hopi activo cu a crea e proyecto aki. Lo bay tin mas accion di parti di polis uniforma di San Nicolaas cu e meta pa preveni desgracia den trafico.

Cuerpo Policial Aruba ta haci un suplica na tur chauffeur pa percura bo tin documentonan na ordo conhuntamente cu bo rijbewijs valido. Percura bo rijbewijs ta semper hunto cu BO!

NO maneha bou influencia pa bo no carga e consecuencianan cu ta bin! Busca Bo Amigo Responsabel!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @ 2023 – 2025 Aruba Native All Right Reserved. Powered by 139 Design Studio Aruba