Oranjestad – Aruba
Diaranson marduga RST cu sosten di Cuerpo Policial di Aruba y Marina Real a drenta diferente adres. E caso aki ta relaciona cu un asunto di desmantelacion di un banda grandi di droga.
E grupo aki ta uno di crimen organisa y droga. RST tawata tin algun tempo ta vigilando e individuonan aki. RST a logra drenta un total di cuater adres na diferente bario. Nan a bay Sero Colorado, Safir, Cashero y Savaneta.
Mirando e seriedad di e caso aki, muy probablemente lo tawata tin algun detencion cu a wordo haci y listramento di e adresnan aki.Tin informacion cu ta indica cu RST no a logra encontra algun di e sospechosonan. Un di e sospechosonan a purba di huy for di Aruba, pero autoridad a logra sigui e sospechoso aki den area di aeropuerto.
E grupo aki ta consisti di persona local y Colombiano involvi den baho mundo y casonan grandi di droga. Arestatie team a wordo pidi momento cu mester a drenta na Sero Colorado y Cashero como cu e grupo aki ta sumamente peligroso di crimen organisa. E individuonan aki mas sigur ta arma.
Nos ta keda pendiente pa un relato Oficial di parti Ministerio Publico.