Recientemente e ekipo di promocion di Aruba Island Take Over Festival cu lo tuma lugar na Aruba dianan 1-4 di November proximo a biaha tanto pa Bogota Colombia como pa Willemstad Curacao. Motibo di esaki tabata pa promove e festival nobo cu lo tin presentacionan di artistanan J Balvin, Bad Bunny, Alex Sensation y Jeon. Mirando e combinacion di artistanan riba nos isla , esaki ta crea un oportunidad unico pa atrae turistanan pa biaha pa nos isla specfiicamente pa e evento.
E ekipo di Elite Empire Entertainment cu a biaha pa Colombia a consiti di e PR di e festival Larissa Bermudez hunto cu Aruba su orguyo Jeon. Pa loke ta Curacao a biaha e team di mercadeo Queeny Bergen y Mark Benson Denz. Aki a bishita varios medio di comunicacion unda cu a nota cu e reaccion ta hopi positivo pa cu e concepto di e festival, e artistanan contrata y naturalmente e locacion cual ta nos bunita isla Aruba.
Na Bogota a bishita varios medio grandi manera Caracol Televisión, RCN Televisión, y Canal RED+. Durante dos dia intensivo a haci varios entevista den programa di radio, rednan social, corant y website manera #Hashtag, 15MinutosTV, Trendiando, Planeta Gente, NTN24, Revista Shock, El Tiempo, Tu Mundo Hoy, entre otro.
Segun Larissa Bermudez, e entusiasmo y curiosidad pa cu e 4 dianan di e festival di Aruba Island Takeover tabata grandi na Colombia. Ademas di e artistanan. e biahero por disfruta di un dushi destinacion manera Aruba pa completa nan vacacion.
“Nos a ripara cu banda di e fiestanan y e artistanan principal cu lo t’ey pa Aruba Island Takeover, tabata tin hopi interes pa nos conta tur hende di Aruba mes y tur lo cual nos ta ofrece como destinacion turistico”, asina Larissa Bermudez a splica.
Pa loke ta Curacao a ekipo di mercadeo tambe a bishita varios medio di comunicacion incluyendo Radio y Television. Ta trata aki di e.o Tele Curacao (Programa di Farandula), Rock Korsou cu Mz Maudy, Direct Life FM cu Chris Strick y Direct FM cu Ruvette Dirksz. Ademas di e bishitanan di media, a organisa un rueda di prensa na oficinanan di Fun Miles. Mester remarca cu e cantidad di prensa cu tabata presente tabata hopi grandi. Algo cu ta confirma e atencion inmenso cu Curacao tambe tin pa cu e festival aki.
Cu e esfuersonan aki e intencion ta pa por tin un combinacion perfecto di local y turista presente na Island Take Over. Tickets ta obtenibel na SuperFood, Citgo Boulevard , Citgo Essoville, Citgo Palm Beach y Fun Miles. Tambe online www.islandtakeover.com