ORANJESTAD – Desde 2015 KIA y Departamento di Aduana di Aruba ta traha estrechamente hunto specialmente riba tereno di entrenamento. Asina bou guia di e Centro di Formacion di KIA, e Team extraordinario Brigada di Cacho (BOT-K9) di KIA/CEA, a yega di entrena y certifica varios seccion di douane. E entrenamento tabata entre otro riba tereno di operacion cu habilidad professional, conocemento di arma y tiramento. E seccionnan cu a yega di ricibi e entramento aki tabata: e brigada di cacho di douane, seccion portuario, seccion aeropuerto y douanerecherche/K-9-Unit.
Riba diaranson 19 di september 2018, KIA y Departamento di Aduana di Aruba a bolbe confirma nan laso fuerte di cooperacion door di e certificacion di 19 duanero pa e materia di Conocemento di arma y Tiramento. Den presencia di sr. R. Croes, Director di Departamento di Aduana y majoor L. Croes di KIA, a haci entrega di certificado na e futuro duaneronan. E acto aki a tuma luga na Centro di Formacion di KIA situa na Balashi. E cursistanan a ricibi nan certificado for di instructor di tiro, sr. S.E. Rodriguez.
Ademas di e laso estrecho relaciona cu entrenamento, KIA y Departamento di Duana ta sostene otro riba tereno operacional, p.e. uzo di cachonan di listra.
Cu e cooperacion exitoso aki, KIA y Departamento di Aduana ta reforsa otro y ta aporta na un Aruba sigur.