ORANJESTAD, Aruba – 20 di September 2018: Riu Palace Antillas a celebra siman di housekeeping. Tur aña e siman aki ta presente oportunidadnan special pa recoge e esfuerso cu e team di housekeeping ta haci y ta gradici nan p’e trabou bon haci. E empleadonan ta pasa oranan largo cu otro y e biaha aki a pasa 1 siman largo disfrutando di diferente evento.
E empleadonan di housekeeping di Riu Palace Antillas a cuminsa e siman cu un santo sacrificio di misa despues a canta na Star Karaoke y a bay mira pelicula. Tambe empleadonan di housekeeping a tene un show di serbete pa turistanan, mustrando nan con pa traha un forma di un bestia cu serbete. A sigui disfruta di e siman cu trip den “party bus” y na final a cera e siman cu un desayuno den Rimini Restaurant, restaurant Italiano di e hotel.
E empleadonan di housekeeping a gradici Riu Palace Antillas p’e actividadnan organisa. Tur empleado di housekeeping a pasa un siman ameno y a disfruta cada momento di e actividadnan.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.