Secretario di Estado Raymond Knops, diabierna atardi a expresa cu cooperacion cu Premier Evelyn Wever-Croes ta excelente. Segun señor Knops, Prome Minister a recupera algo di e confiansa perdi bek di Hulanda den Aruba.
Diabierna Prome Minister di Aruba a atende Rijksministerraad na unda a trata e situacion financiero di Aruba y e plan cu Gobierno di Aruba tin pa yega un surplus. Despues di e reunion, señor Raymond Knops a duna su opinion positivo di e relacion. Señor Knops ta na haltura cu e situacion financiero di Aruba ta hopi malo causa durante ocho aña pa un Gobierno iresponsabel di AVP.
Knops a duna di conoce cu e cooperacion cu Prome Minister ta excelente. E ta sinti cu awo si Aruba tin un Gobierno cu ta comprende cu mester reduci e debe creciente. Knops ta haya importante tambe cu Gabinete Wever-Croes a cuminsa corta gasto den e aparato gubernamental. Esaki, despues di tur conseho di CAFT, Gobierno di AVP no a haci.
Prome Minister Evelyn Wever-Croes di su banda a duna di conoce cu e ta hopi satisfecho cu e resultadonan di su bishita na Hulanda te cu awo. Su meta prinicipal ta pa gana bek e confiansa di Hulanda den Aruba. Y awe e ta un stap mas leu di logra esaki completamente.
