Home » Parlamentario Daphne Lejuez: ‘Colaboracion cu Wageningen lo ta interesante pa Aruba’

Parlamentario Daphne Lejuez: ‘Colaboracion cu Wageningen lo ta interesante pa Aruba’

by Admin
0 comment 77 views

ORANJESTAD – Riba e di tres dia di reunionnan di IPKO despues di e bishita na AVR, a sigui pa Universidad di Wageningen unda e miembronan di e delegacion a wordo ofreci un lunch organico di productonan cultiva eynan.

Parlamentario Lejuez: “Nos a haya varios presentacion di estudionan y proyectonan cu nan ta haci incluyendo restauracion di coral reefs. Nos a wak un live lab cu coral bibo, unda nan ta haci estudionan riba nan reaccion bou diferente condicion pa asina por compronde e efectonan di cambio di clima riba nan. Nos a haya tambe un presentacion chikito riba estudionan cu nan ta haciendo riba cultivo di pisca”. Nan a bishita un departamento di Algae, y tambe a haya informacion di e progreso di e Algae Parc na Boneiro cu ta den proceso.

Finalmente nan a bishita un ‘broeikast’ unda a splica con ta haciendo investigacion riba cierto condicion pa cultiva por ehempel mata di banana, pero tambe hopi diferente otro matanan cu ta produci berdura y fruta. “Locual tabata hopi interesante ta cu nan ta dispuesto pa traha cu nos y a splica tocante diferente forma di colaboracion, manera summer school na Universidad di Aruba, of workshops por ehempel pa diferente departamento di gobierno por crea e conocemento adicional pa sa kico ta posibel y ki tecnologia y avancenan significativo tin den e area di siguridad di cuminda”. E parlamentario ta sigui bisa: “Nan lo por bin Aruba pa un par di luna, colabora cu Universidad di Aruba por ehempel, mirando cu Universidad di Wageningen tin asina hopi experticio riba diferente nivel manera salubridad, cria y pesca, medio ambiente, innovacion y hopi mas”.

E parlamentario ta conlcui cu e ta kere tin diferente caminda cu Universidad di Wageningen lo por yuda nos, aparentemente den e parti turistico tambe. E parlamentario ta expresa cu esaki tabata sigur un atardi educativo y tambe inspirativo, realisando cu Aruba por beneficia di nos lasonan cu Reino pa por logra tin e conocemento na nos alcance, y por intercambia y comparti informacion y/of haci investigacion na Aruba. Tur esaki lo por hiba no solamente na mas conocemento, pero tambe lo por yuda Aruba riba varios otro aspecto social, economico, alimenticio y tambe turistico. Parlamentario Lejuez ta bisa cu e lo sigui na sinta cu e diferente instancianan pa wak nan feedback riba esaki y kisas como sugerencia manda esaki pa cada minister envolvi pa wak con e intercambionan aki lo por tuma luga pa nan por tuma nan den consideracion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio