Aunke cu Nymphomania por ta causa di diferente condicionannan medico of uso di droga, den mayoria di e casonan, e causa ta desconoci. Sinembargo, condicionnan medico manera Bipolar a ser relaciona cu e actitud sexual diripiente di un persona.
Pues. . . ¿Con pabo haya sa si bo ta un Nymphomania of simplemente bo tin un conducta sexual hopi halto?
Esakinan ta algun señal :
1. Bo ta pensa constantemente ariba sex: Si bo no a tene relacion pa algun tempo, esaki por ta normal y comprendibel. Di e mes manera, bo lo por wordo excusa si bo partner ta un “animal” ariba cama. Un Nymphomaniac ta pensa henter dia ariba sex, den tur cos e persona ey lo busca un contexto sexual; un pida palo e persona aki lo considera un “e organo sexual masculino”.
2. Conducta sexual halto: Bo no por stop di tin sex cu bo pareha y si bo no por haya e cantidad cu bo ta desea den dje, bo lo por haya bo den un situacion basta fastioso, momento cu bo lo bay busca esey den un otro persona.
3. Mayoria di bo combersacionnan di un of otro manera mester tin un of otro forma e factor sexual. Hopi biaha bo ta gusta cuminsa tipo di combersacionnan asina cu e obhetivo di yega na “algo”.
Abo so por wak dobel sinti den cualkier frase y bo ta gusta esey, bo ta fascina papia di sex so. E ta exitabo.
4. Adiccion na porno: Aunke bo no ta kere, pero hopi muhe ta wak porno y cierto cantidad ta wordo considera saludabel; sin embargo, si bo no por stop di wak porno of pio ainda, ora bo adopta tendecianan Voyeuristic ( un persona cu ta disfruta di wak actividadnan intimo of erotico di otro personanan), esaki por indica cu bo tin e sintomanan di un Nymphomaniac.
5. Masturbacion: Masturbacion ta algo normal y saludabel, specialmente durante nos adolesencia, pero si bo ta nota cu bo ta masturba seguidamente, cu bo a yega na e punto cu e ta strobabo den bo rutina diario…ta un señal grandi cu bo por ta un Nymphomaniac, y lo ta bon pabo papia cu bo huisarts.