Un muhe di Shanghai (China) a dicidi di laga su fortuna di 2,8 miyon dollar na su mascotanan, excluyendo completamente su tres yiunan di e herencia.
Parce cu, e muhe, di fam Liu, a sinti su mes desatendi pa su yiunan den su biehes y a dicidi laga tur su placa na su pushinan y cachonan leal, cu ta permanece hunto cu ne.
E reaccionnan na China ta varia: algun ta apoya su decision y ta menciona intencionnan similar pa nan propio bienes. Como cu na China no ta legalmente posibel laga placa directamente na e bestianan, un clinica veterinario local lo gestiona e herencia pa e mascotanan.
E testamento di e muhe ta specifica cu e fondonan mester wordo gasta den su mascotanan y nan yiunan despues di su fayecimento. A pesar di e preocupacion pa e riesgonan, e Centro di Registro di Testamentonan di China a sugeri cu Liu lo por modifica su testamento si e actitud di su yiunan ta cambia den futuro.