¿Pakiko nos ta bira bieu
y ta muri?
Ta posibel pa retrasa biehes of incluso logra inmortalidad?
E preguntanan aki a tuma parti grandi di e carera di e biologo molecular Venki Ramakrishnan.
E investigado Indio ta autor di e buki ; Why we
die: The New Science of Aging and The Quest for Inmortality (Pakiko nos ta muri: E ciensia nobo di envejecimiento y e buskeda di inmortalidad), cu lo wordo publica na maart, inicialmente na Ingles.
Den e entrevista cu BBC Mundo, e la splica di e reaccionnan kimico cu ta causa deterioro di e celnan, te na e implicacionnan grandi cu biba mas tin pa humanidad.
E miedo di bira bieu ta hopi grandi; pa motibo ey nos ta usa botox, tiña nos cabey blanco, e tipo di cosnan ey…
¿Bo ta kere cu tur e esfuersonan pa retarda envejecimiento ta contribui na crecemento di e miedo pa bira bieu?
“Tin hopi presion pa no bira bieu, y e presion aki ta cay mas tanto ariba e hende muhe. E ta algo teribel.
Ta hopi esfuerso y hopi placa ta wordo inverti den ciencia y tecnologia cu e enfoke ariba retrasa envejecimiento, pero den bo buki bo ta duidelijk cu tin otro manera pa mantene bo mes sano y cu ta mas na nos alcanse.
“Come bon, drumi bon y hasi
ehercisio, actualmente, ta mas
efectivo cu cualkier medicina contra envejecimiento cu tin riba merkado”.
Nan no ta costa nada y tampoco tin efecto secundario, y nan tin un base
biologico solido contra envejecimiento.
E ser humano no a evoluciona pa
come na monton, voorbeeld desserts etc etc.
Nos raza a cuminsa manera cazador y biba di cosecha. Nos tawata come di forma sporadico, yuna na manera natural y nos tawata tin e restriccion ya menciona.
Ramakrishnan ta uno di e invitadonan na Hay Festival na Cartagena, cu ta tuma luga di 25 pa
28 di januari 2024.