Un tempo e competencia den sector laboral tawata basa riba e persona: esun cu tin mas informacion por produci mas. Actualmente un competencia cu sector laboral ta pone hopi atencion riba dje ta e factor di “Life Long Learning”. E competencia di Life Long Learning a bin door cu e desaroyo tecnologico ta bay asina lihe, y pa keda competi den sector laboral companianan mester di empleadonan cu mester por keda upgrade nan conocimiento. E situacion ta hasi cu enseñansa mester educa e alumnonan pa ora nan drenta sector laboral, nan por cumpli cu e competencia di Life Long Learning cu actual y den futuro ta spera di nan.
E enseñansa tradicional cu nos conoce, ta unda cu e docente ta pasa informacion na e alumnonan. Cual cu ta hasi cu e docente ta mas activo y e alumno ta mas pasivo. Competentiegericht onderwijs ta un systema di enseñansa cu e alumno mester ta mas activo door cu e alumno mester busca informacion y aplica e informacion den practica. E systema di enseñansa menciona a wordo crea door di e bida practica cu nos ta biba aden. Tur persona tin capacidad pa busca informacion y aplica e informacion den practica. Por ehempel si un hende kier traha un bolo, e ta bay puntra un persona of busca den un buki con pa jega su meta. E parti di sali bay busca informacion ta e parti cu ta hasi un persona activo. Pa medio di motiva competentiegericht onderwijs den enseñansa actual, lo educa e alumnonan con pa jega na informacion y pa bay aplic’e den practica. E systema di enseñansa menciona ta hasi cu e docente su rol ta bay cambia. Den competentiegericht onderwijs e docente lo evalua e proceso con e alumnonan ta busca informacion y pone den practica. Cual cu ta hasi cu e docentenan tambe lo mester ta prepara pa por traha den e systema di competentiegericht onderwijs.
Pa competentie gerichtonderwijs funciona optimal mester percura cu enseñansa tin e instrumentonan necesario. Pa medio di tecnologia ta masha fasil pa jega na informacionnan riba tur materia. Door di hasi uzo di youtube, google, etc. Unda cu pa medio di un smartphone un persona por busca e informacion cu e ta desea. Pa es motibo mester percura pa digitalisa enseñansa, cu ta brinda e alumnonan e oportunidad pa tin mas aceso na computer y internet na scolnan.
Si no tuma e pasonan necesario pa enseñansa prepara e alumnonan pa e factor di Life Long Learning, e systema di duna les tradicional lo keda na vigor. Cual cu lo bay tin influencia negativo tanto pa es nan cu drenta sector laboral y tambe momento di bay studia den exterior.