Oranjestad- Aruba Airport Authority N.V. (AAA) ta recertifica cu exito pa e Airport Carbon Accreditation Level 3 – Optimisation pa di tres aña consecutivo.
E programa Airport Council International (ACI)’s Airport Carbon Accreditation (ACA) ta e unico programa di certificacion di maneho di carbon global respalda institucionalmente pa e aeropuertonan y ta provee e aeropuertonan cu un cuadro comun unico y herment pa maneho di “active carbon” cu resultadonan cu por midi.
E programa di ACA ta consisti di 7 nivel di certificado: ‘Mapping’, ‘Reduction’, ‘Optimisation’, Neutrality’, ‘Transformation’, ‘Transition’ y ‘Level 5 (Topmost level)’. A traves di cada nivel di certificacion, e industria di aeropuerto por reduci di un forma eficaz su “carbon footprint”, beneficia di aumento eficiencia a traves di un consumo mas abou di energia, intercambio di experticio y conocemento comparti y tambe un miho comunicacion di e resultadonan.
Door di ta recertifica pa ACA Nivel 3, Aeropuerto di Aruba ta sigui fortifica y involucra tur tercera parti den maneho di carbon footprint y amplia riba emision di scope 3. E tercera partinan ta consisti di e companianan di aviacion y demas dunado di servicio, manera ground handlers, compania di catering, compania di fuel y demas cu ta traha den e instalacionnan di aeropuerto.
Alinea cu e vision, mision y e obhetivonan di sostenibilidad di AAA, Aeropuerto di Aruba lo sigui enfoca e esfuersonan di sostenibilidad riba reduccion di su emisionnan di carbon pa medio di maneho adecua di carbon, participacion di stakeholder, recopila, analisa y raporta e datonan, y desaroya un direccion strategico cu accionnan cu mester tuma den preparacion pa e siguiente nivelnan di ACA.
Tocante AUA Airport Tocante AUA Airport AUA Airport ta un di e aeropuertonan mas ocupa den region Caribe, cu mas di 25 diferente aerolinea operando na Aruba contribuyendo na casi 3 miyon pasahero pa aña y brindando
servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 76% ta di Merca y Canada, 16% ta di Latino America, 5% ta di Europa y 4% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.
Haya sa mas di loke ta pasando na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.
