Antartica Continente
Akinan tin bo lo ta haya pistinan di aterisahe cortico, pistanan yen di buraco, y pistanan notoriamente afecta pa bientonan cu ta crusa, pero aki tin un challenge nobo cu lo preocupa e viaheronan nervioso: un pista di aterisahe di ijs. Norse Atlantic Airways algun dia pasa a aterisa un Boeing 787 Dreamliner den condicionann bastante diferente cu esun nan normal. Destinacion; Antartica. E pista di aterisahe: un “pista di ijs color blau” di 3.000 meter largo y 60 meter di hancho, traha den sneeuw y ijs.
E Dreamliner a aterisa na airport Troll poco despues di 2’or di madruga, bao di lusnan di solo. Ta e prome biahe cu un Dreamliner — un avion di grandi cu por transporta te 330 pasahero, dependiendo di e modelo –ta yega na e di seis continente.
E avion a sali for di Oslo dia 13 di november y a haci un stop na Ciudad del Cabo prome di sigui bay mas zuid dia 15 di november anochi, pa realisa un aterisahe nunca antes haci. Entre e 45 personanan abordo tabata cientificonan di e Instituto Polar Noruego, cu a contrata e vuelo pa hiba nan huntu cu 12 ton di ekipo pa e station di investigacion yama Troll na Queen Maud Land, na Antartica.
“Un aterisahe di un avion asina grandi ta habri posibilidadnan logistico completamente nobo na Troll, locual tambe lo contribui na reenforsa e investigacion Noruego na Antartica,” asina Camilla Brekke cu ta directora di Instituto Polar Noruego a bisa.