Palm Beach: Diasabra algo despues di 9’or y mey presencia di polis a wordo pidi den area di Holiday Inn Hotel pa un pelea entre dos grupo di hoben. Pa motibonan desconoci e dos grupo nan aki lo a cuminsa agredi otro y un di e hobennan a ricibi un kap na su cabes y tabata sangrando. Na yegada di polis ya esnan cu tabata envolvi den e pelea a bandona e sitio.
Un rato despues a bin topa cu e hoben herida hunto cu su amigonan sinta na e bushalte pariba di Radisson Blue.
Dos patruya di polis a presenta eynan y a mira enberdad cu e hoben ta herida, mesora a pidi pa preseencia di un ambulance.
E paramediconan despues di a trata e hoben na e sitio y dicidi di transporta e hoben pa hospital pa asina ricibi un trato medico mas avansa.
Polis a tuma datos di e pelea y tambe a trata na contacta mayor di e hoben herida.
