Accident den cual un persona a keda levemente herida y un otro deteni pa core auto bou influencia

Sabana Liber: Diasabra algo prome cu 9’or di anochi a sosode un accidente entre un Chevrolet Avalanche y un Honda Fit, esaki a sosode riba e caminda di Sabana Liber, na altura di e T kruising pa bay Alto Vista.

Road Service a yega prome na e sitio y despues di a analisa e situacion a pidi pa presencia di polis.

Na yegada e agentenan policial a detene un di e chauffeurnan, pa motibo cu e tabata core auto bou influencia, tambe polis a pidi pa presencia di ambulance pa atende cu un persona cu tabata levemente herida.

E paramediconan a trata e persona levemente herida na e sitio mes.