Departamento di Asunto Social ta informa: En conexion cu ExpoLabor riba 19 di augustus: Acto di presencia pa cobradonan di bijstand ta obligatorio

ORANJESTAD – Departamento di Asunto Social (DAS) kier informa na cobradonan di bijstand cu durante EXPOLABOR, dunadonan di trabao, agencianan di empleo, instancianan cu ta ofrece curso y entrenamento lo ta presente. Alabes lo tin oportunidad pa participa na diferente tayernan y/of lecturanan. Pa mas informacion, bishita e pagina di Facebook: EXPO LABOR ARUBA.

Alabes kier a recorda esunnan cu ta cobra bijstand cu a base di articulo 13 di Landsbesluit bijstandsverlening (LBBV), presencia di esunnan concerni na e EXPO LABOR 2017 ta obligatorio. Pa personanan cu limitacion cu ta ricibi un bijstand (gehandicapten uitkering) esaki no ta obligatorio.