Entrante e mey anochi di 23 pa 24 bo no por ta dilanti cas den bo cura mas durante e TDQ

Oranjestad – Durante e conferencia di prensa dialuna anochi na bestuurskantoor, Fiscal Pronk a presenta un cambio di ley. 

Locual un dia anterior tawata permisibel pa un habitante ariba su mesun tereno, pues pa ta den su cura di cas, a ser cambia.

Fiscal Pronk a duna di conoce cu despues di mey anochi di 23 pa 24 di maart ley ta prohibi bo como ciudadano pa bo ta den bo cura di cas, cu ta grens cu e caminda publico.

Pues no ta importa cu ta bo tereno, si bo wordo haya parti dilanti di bo cas, bo lo sigur ricibi un multa.

Segun Fiscal Pronk, locual no ta problema ta si bo persona ta den bo veranda of cas mes.

Pronk no a duna di conoce e motibo di e cambio abrupto aki di un dia pa otro.