Varios patruya a bay Sero Patrishi pa un pelea cu arma envolvi

Sero Patrishi – Diaranson anochi algo pasa di 8’or informacion a drenta di un pelea serio na Sero Patrishi, unda lo tin arma di candela envolvi.

Varios patruya mester a bay cu urgencia debi cu e situacion tawata saliendo for di man. A wordo papia di tanto arma di candela y machete.

Pero, na yegada ta parse cu tur hende a move di e sitio. A ser papia di un auto Honda.

Patruyanan a circula pa un rato den e area, pero ta mustra cu nan no a topa cu esnan envolvi.