63
Caya G.F. Betico Croes/ Tarabana: Diaranson den oranan di merdia a sosode un accident den Caya G.F.Betico Croes, pabou di e rotonde Dadelstraat.
Un ambulance bayendo cu urgencia pa un asistencia, cu su sirena y luznan cendi, e tabata bayendo direccion pariba y na dado momento un dama di edad tras di stuur di un Toyota Rac4 a bira na su man robes sin duna e ambulance preferencia, e ambulance biniendo cu velocidad a dal contra e Toyota Rav4. E impacto fuerte a laga e dama chauffeur levemente herida.
Patruya di polis, polis di trafico y Officier van Dienst di Ambulance a presenta na e sitio, e paramediconan di ambulance a controla y a trata e dama na e sitio.
Takelwagen mester a transporta e ambulance for di e sitio, e no por a core mas.