Hopi ta esnan cu ta bisti un armband cu e palabranan “Tino Ruiz”.
Sr. Tjon, lider di fraccion di MEP ta un persona cu nunca ta kita e “armband” aki, pasobra e ta brinda homenahe na Tino Ruiz (d.f.m.). Na 2018, sr. Tjon a entrega un mocion den Parlamento, cu a wordo sosteni unanimamente, pa yega na un estatua di reconocimento pa Tino Ruiz (d.f.m.) Un polis cu a paga e prijs maximo pa salvaguardia seguridad di nos tur.
Riba 15 di mei venidero nos ta celebra y duna homenahe na agentenan policial cu diariamente ta riesga nan bida pa asina 7percura pa seguridad den nos comunidad. Esaki ta un iniciativa di Presidente Kennedy, cu a proclama na 1962, 15 di mei como “Peace Officers Memorial Day” y e siman cu e dia special aki ta cay aden, como “Police Week”.
Mundialmente ta celebra e siman aki, incluyendo Aruba. Ta importante pa para keto y refleciona riba e sacrificionan y responsabilidad cu polisnan ta tuma riba nan mes. Nan ta dicidi di proteha nos pais y ta pone nan mes den posicionnan vulnerabel. Apesar di esaki tur dia nan ta lanta y bisti nan uniform pa asina sirbi nos pueblo.
Orguyosamente mi a forma parti di e famia di nos Cuerpo Policial y mi sa cu e trabou di e agentenan policialnan no ta un tarea facil, pero uno sigur hopi respeta y
Tino Ruiz (d.f.m.) a bira un simbolo pa Cuerpo Policial. P’esey e mocion pa traha un “herdenkingsmonument”, den un parke recreacional pa personanan cu ta traha den husticia, ta uno cu seguramente mester bira un realidad e aña aki.
Mi kier garantisa tur agente policial y e famianan di Tino Ruiz (d.f.m.) cu su esfuerzonan no a wordo lubida y e mocion cu nos a entrega na aña 2018 lo bira un realidad e aña aki. E aña aki e mester bira un realidad mirando cu e recursonan necesario ta disponible.
