Marc Dutroux ta un monster y cruel asesino, manera cu e pueblo belgo mes ta yame. Dutroux ta responsabel pa morto cuater mucha muher di 8 pa 18 aña, esaki den aña 1995/96. Marc Dutroux ta un pedofiel cu tabata den e mundo baho di pornografia infantil.
Marc Dutroux, tambe yama e Monster di Belgica
Brussel, Belgica: Recientemente e abogado di Marc Dutroux den un carta habri a boga pa elimina e castigo di cadena perpetua, esta castigo di prison pa bida largo. E ta yama e castigo aki un tortura di sterilisacion humano.
Monster, manera nan ta yame na belgica ” E kinderbeul” tin 23 aña tras di tralie. Pa mayoria di e belgonan e castigo di lag’e cera pa bida largo tras di tralie, ta mereci, pero su abogado Dayez ta pensa diferente, segun e abogado, esaki no a conduci na nada positivo, cu excepcion di e satisfacion sadista. E abogado kier pa e wordo laga condicionalmente den libertad na 2021, despues di a sinta 25 aña den prison.
Varios raportnan psikiatrico a wordo haci y den e lunanan nos dilanti lo mester haya e resultadonan di e raportnan aki, di su situacion mental. Su abogado ta mira e chens hopi chikito cu Dutroux lo recobra un dia su libertad of e huesnan mester bay contra e mayoria di e pueblo su opinion.
Marc Dutroux a nace na Belgica dia 6 di november 1956, e tabata tin un infancia y hubentud turbulento, na edad di 22 aña ela casa y a haya dos yiu, despues di tabata maltrata su señora nan a divorcia na aña 1985, cual ta e mesun aña cu pa prome biaha Dutroux a haye den problema cu Husticia, pa rape y ladronicia.
Michelle Martin, tabata casa y complice di Marc Dutroux
Na 1988 ela bolbe casa e biaha aki cu Michelle Martin, cu kende e tabata tin un yiu caba. Na 1989 Marc Dutroux y Michelle Martin a wordo sentencia pa viola 5 mucha muher menor di edad. Dutroux a wordo sentencia cu 13 aña di castigo di prison, mientras su cas a wordo sentencia cu un castigo di prison di 5 aña. Na 1992 nan a wordo laga den libertad prome cu nan a caba di sinta nan castigo, esaki relacion cu un ley cu Minister di Husticia Belgo e tempo ey a introduci, e Ley yama Wet-Lejuene. Esaki tabata un error hopi grandi.
Riba 13 di Augustus un biaha mas Dutroux a wordo deteni, esaki despues di 6 dia cu e mucha muher Laetitia Delhez a wordo secuestra pa Dutroux. Autoridad a topa cu Laetita Delhez y tambe cu Sabine Dardenne kende 3 luna prome a wordo secuestra door di Marc Dutroux, ela rape ambos hobencita. Hopi liher a bin sali na cla cu Dutroux ta responsabel pa e secuestro y morto di Julie Lejeune, Melissa Russo, An Marchal y Eefje Lambrecks y tambe pa su secuase Bernard Weinstein.
Sabine Dardenne, kende ta un di e sobrivivientenan den e caso Marc Dutroux
Laetitia Delhez na momento cu ela wordo libera door di autoridad for di e cas di Marc Dutroux
Julie Lejeune y Melissa Russo ambos victima di Marc Dutroux, nan a fayece di hamber y sed, nan tabata tin 9 luna secuestra prome cu nan a fayece
Eefje Lambrecks y An Marchal, e dos otro victimanan di secuestro, rape etc di Marc Dutroux, ambos a disparce despues di un show di Rasti Rostelli
Bernard Weinstein, un secuase di Marc Dutroux, Marc mes a asesina Bernard Weinstein.
Despues di un proceso hopi largo Marc Dutroux a wordo sentencia pa bida largo, durante e proceso a bin sali na cla cu Marc Dutroux ta responsabel pa rapemento di 3 mucha muher di Slovacia y tabata envolvi traficacion di droga.
Durante e proceso y durante cu Marc Dutroux tabata wordo hiba corte, mester a usa extra polis, pa motibo cu e pueblo tabata hopi indigna y kier a tuma ley den man nan man, cada biaha ora mester a hiba Marc corte, pa su siguridad nan tabata mester a bisti’e un bulletproof vest.
E pueblo indigna, tabata demostrando esaki publicamente dilanti corte y warda di polis
Michelle Lelievre, un secuase di Marc Dutroux, kende a recobra su libertad na 2019
Tur e rabia a lanta bek, aña pasa na momento cu su secuase Michel Lelievre a recobra su libertad despues di a sinta 22 aña su castigo di prison. Ela wordo mal bati pa algun persona y gobierno hopi liher mester a busca un otro cas na un otro cuidad pa garantisa su siguridad.
Libertad di Michelle Martin ex casa di Marc, y awo libertad di Michelle Lelievre a causa hopi consternacion bou di e pueblo Belgo, esaki a habri bek e herida di 23 aña pasa.
Ainda e ta fresco den memoria di e pueblo Belgo e dolor y e sufrimento cu Marc Dutroux a causa henter e comunidad Belgo, den e añanan 1995/96. Pesey famia di e victimanan ta publicando potret, video etc pa recorda e pueblo y huesnan e dolor y e daño irreparabel cu Dutroux, su casa y su secause, a causa na e famianan, amigonan, bisiñanan y conocinan di e victimanan. Marc Dutroux ta keda e parti di mas scur den e historia di Belgica den e añanan 1995/96.
Cas di Marc Dutroux caminda autoridad a drenta y a saca Sabine y Laetitia, e unico dos sobrevivientenan den e caso Dutroux
Un re-encuentro hopi emocional entre Sabine y Laetitia.
Sabine mientrastanto a skirbi un buki di e drama cu ela pasa aden 3 luna largo na man di e monster Marc Dutroux
Den e filmacion aki por mira unda e monster tabata tin e muchanan scondi.
https://www.youtube.com/watch?v=NQC0xVHeTeY&t=333s
