Un decada nobo a cuminsa ! Nos di Arubanative.com a ricibi pronosticonan di decada 20 y di e aña 2020, esaki nos a hay’e interesante pa asina comparti’e cu e pueblo di Aruba pa esnan cu ta interesa den e materia aki.
Hopi hende ainda no ta realisa cu e fecha aki ta uno historico, den e sentido numerico. 2020 lo tin un influencia enorme ariba mundo.
Esaki ta sin conta loke e decada lo bay trece cune.
Esnan cu ta compronde e materia y observa con e streanan y planetanan ta move sa kiko esaki kiermen.
Pero “without further ado” ban cuminsa.
Humanidad y Ciencia
Loke ta interesante ta cu Humanidad of miho bisa Ciencia lo dal stapnan grandi y lo sa di domina ariba tereno di medicina.
Loke a pensa cu hamas lo por wordo controla lo bay pasa pa pasado!
Pero, debi na e number 2020 tur cos lo mester bay ta balansa, pues lo tin e parti Challenging pa Ciencia ariba e tereno di medicina.
Lamentablemente nos mester bisa cu un “enfermedad” lo “nace”, of tabata existi caba, pero no tabata conoci. Elo wordo domina pero lo bay tuma su tempo, esaki ta debi na su structura complica.
Nasa tambe lo tin su avance y perdida di biyiones di dollar. Nan lo perde un nave espacial, posiblemente door di fayo humano.
Avance lo ta tripnan espacial, claro pa esnan cu tin e placa.
Mas planeta lo wordo descubri y cierto “contacto” extraterestre lo wordo establece.
Medio Ambiente
Ariba medio ambiente, un biaha mas debi na e number lo nota cambionan atmosferico, aunke esaki si bo ta un persona cu sigui e noticianan di cerca, bo lo sa cu Mundo ta den un estado no mucho di gaba.
E cambionan atmosferico lo causa un stress enorme ariba algun area di e planeta aki, esaki segun e biento y coriente di lama lo plama rond pero lo ta mas suave debi cu e no ta asina concentra mas.
Cierto animalnan cu si no proteganan, nan lo bay den extinsion por completo y solamente ariba potret lo por cordanan.
Nos ta papiando di tanto den lama y ariba tera.
Presidente Nicolas Maduro.
Tur miras ta ariba dje, su salud aunke e ta trata di sconde, tampoco ta 100%.
Lo bay mira un Presidente Maduro cu perdida di peso y esaki lo crea hopi rumor.
Presidente Donald Trump
Trump su salud tampoco ta 100% y mirando su edad esaki lo cuminsa bay atras hopi lihe.
Elo keda tuma algun decisionnan descabeya, cu lo haci’e bira mas impopular.
Ban pa Aruba
Aruba lo conoce mas separacion y division.
Decisionnan tuma no tur ora lo cay bon den bista di pueblo, esaki no directamente mester ta uno politico.
Ariba e tereno di Religion
E religion Catolico meste ta mas vigilante pa motibo cu e religion aki miho bisa, lo bay bira mas chikito.
Nos hubentud lo bay ta menos spiritual y lo bay mas tras di ciencia y otro avancenan.
Tur e cambionan aki den e mentalidad di e hobennan, no solamenta aki na Aruba pero rond mundo ta basa ariba un cos cu ta internet.
Hubentud y Ciencia
Cellular lo ta of miho bisa ta e destruccion di nos hubentud y di famianan.
Avancenan lo crea mas chaos y rebeldia den e decada aki.
Un compania estatal lo bay pasa den temponan duro, esaki lo ta bay ta algo cu niun hende lo a premira, elo wordo influencia pa desicionnan tuma otro parti di mundo.
Aruba lo bay tin un avance mas lihe den tecnologia, elo ta un di e promenan den Caribe.
Turismo lo conoce un aumento, debi na e esaki.
Tereno Politico
Loke hopi hende ta curioso pa sa ta con e tereno politico lo bay ta.
Hmm mester bisa no lo bay tin hopi sorpresa.
Tin lo bay y otro lo uni y/of lo cambia, esaki ta mas tanto pa politiconan.
Un escandalo grandi lo bay pasa, cu tin di haber cu un of mas politico di Aruba, si e sapato como politico ta sirbibo, haci e cambio awor cu bo por ta na tempo, pa mañan bo no mester pasa berguensa .
Aruba lo ta bay ta di luto pa un politico, cu lo bay laganos
Famia
Famianan mester ta mas uni y lamentabelmente no ta mira esey pa futuro. Hopi lo biba pa nan mes y lo aleha di famia.
Loke nos no kier wak pasa, paso un famia uni ta algo bunita, ban trata na conserv’e te con leu cu ta posibel.
Clima na Aruba
Pa loke ta Aruba su clima, esaki ta pa e decada nos dilanti lo mira un cambio chikito.
Aruba y su Turismo
Aruba lo bay tuma desicion cu lo haci Aruba bira mas tolerante y esaki lo por ta a corto plazo. E desicionnan aki lo bay haci Aruba mas atractivo pa turista, aunke e decisionnan aki lo bay ta dolor di curason pa otro.
Y asina nos por sigui cu mucho mas cos, pero tampoco nos no kier yena hende cu ansha y preocupacion.
Un cos si, nos mester tin fe den e Poder Maximo, sea cual ta bo religion paso na final ta un e ta y e ta dicidi.
Arubanative.com ta desea boso un prospero comienso di e decada 20 y bon aña 2020, cu lo keda marca den cada un di boso, tanto grandi y chikito.