Ora cu falta apenas 10 dia prome cu e eleccion presidencial na Venezuela, presidente Nicolás Maduro a haci un advertencia duro awe, riba e posibilidad di un “baño di sanger” si e partidario oficialista no garantisa victoria den e eleccion di 28 di juli.
E Consejo Nacional Electoral di Venezuela (cne) a convoca dia 20 di juni e 10 candidato presidencialnan pa firma un acuerdo den cual nan ta acepta e resultadonan di e eleccion di 28 di juli, un encuentro na cual a acudi ocho aspirante, entre nan, Maduro. Edmundo González y Enrique Márquez a nenga di partisipá, considerando cu e respet pa e resultado ya ta contene den E Constitucion y e leynan.
“E destino di Venezuela, den siglo XXI, ta depende di nos victoria riba 28 di juli. Si nan no kier pa Venezuela cay den un baño di sanger, den un guera civil criminal, producto di e fascistanan, laga nos garantisa e exito mas grandi, e victoria mas grandi den historia electoral di nos pueblo”, e mandatario a bisa durante un acto publico den un zona popular di Caracas occidental.
“Mas fuerte e victoria, mas garantia di paz nos lo tin. Mientras mas contundente sea e votonan, mas garantia di futuro nos lo garantisa e muchanan aki, e la bisa.
CNN ta purba di tuma contacto cu e Gobierno di Venezuela pa haña mas comentario riba e declaracion di e presidente.