Home » Organo Ehecutivo AZV ta informa: Entrante 1 di mei traspaso automatico di tur asegurado inscribi na dokter di cas L. Vink pa HOED Piedra Plat

Organo Ehecutivo AZV ta informa: Entrante 1 di mei traspaso automatico di tur asegurado inscribi na dokter di cas L. Vink pa HOED Piedra Plat

by Admin
0 comment 110 views

E contracto entre dokter Lea Vink y Organo Ehecutivo AZV ta termina. Nos ta gradici dokter Lea Vink pa e servicio cu el a brinda na nos aseguradonan. Alabes ta desea su persona hopi exito den su siguiente reto.

1 di mei 2024
Entrante 1 di mei 2024 un traspaso automatico ta bay tuma luga. Tur pashent inscribi cerca
dokter Lea Vink ta wordo pasa automaticamente pa e “Huisartsen Onder Een Dak Piedra Plat”;
esta e Cas di Dokter nobo na Piedra Plat 72-A. Esaki ta nifica cu e aseguradonan cu tabata
inscribi cerca dokter Lea Vink no tin nodi haci nada; tur cos ta wordo regla automaticamente
(digitalmente).

HOED Piedra Plat
Entrante 1 di mei 2024 e servicio medico ta tuma luga via dokter di cas M. van der Ham na
Piedra Plat 72-A. Orario di servicio ta: mainta 8:00am -12:00pm y merdia 1:00pm – 4:00pm.
Number di telefon ta 5274475. E aseguradonan cu tin e AZV app lo wak e cambio aki den e
Menu → bo dunadonan di cuido.

No tin AZV app
Un invitacion ta bay na tur asegurado cu no tin e AZV app ainda pa haci esaki. Bo por download
esaki (via Google Play of Apple Store) y registra pa bo digi-ZorgPas. Den caso cu bo kier yudansa
pa cu instalacion di e AZV app den bo celular; e ora bo por pasa personalmente na oficina di
AZV y nos ta yudabo instala esaki den bo celular. Oficina di AZV ta habri di dialuna pa diabierna
di 7:30am – 4:00pm.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio