Home » Recordatorio pa cu proceso pa saca of renoba certificado di salud (ex caarchi berde)

Recordatorio pa cu proceso pa saca of renoba certificado di salud (ex caarchi berde)

by Admin
0 comment 98 views

 

Oranjestad, 15 di April 2024: Dienst Warenkeuring en Hygiene (DWH) di Departamento di Salud Publico cu ta encarga cu otorgamento di e carchi di salud of tambe yama “carchi berde” ta informa lo siguiente.
Segun ley di Personeelsbesluit warenverordening AB 1995 no. GT 2 tur persona cu ta traha cu alimento y/of bebida designa pa consumidor mester tin un Certificado di Salud (ex Caarchi Berde) na ordo. E Certificado di Salud mester ta vigente y visibel pa e inspectornan di seccion di Dienst Warenkeuring en Hygiëne di Directie Volksgezondheid na tur momento.

Pa por haya un Certificado di Salud ( ex Caarchi Berde) e persona mester cumpli cu lo siguiente.
Pa prome peticion:
Acudi na seccion di Dienst Warenkeuring en Hygiëne di Directie Volksgezondheid na Dr. Oduberstraat 1;
E persona mester acudi cu un identificacion:
Un cedula di Aruba valido;
Of un paspoort of rijbewijs valido conhuntamente cu un papel di censo di Afl. 5,- (no mas bieu cu 6 luna)
Despues ta acudi na Financiën di Directie Volksgezondheid pa cumpli cu pago di
Afl. 30,-

 

Renobacion:
Acudi na seccion di Dienst Warenkeuring en Hygiëne di Directie Volksgezondheid na Dr. Oduberstraat 1;
E persona mester acudi cu un identificacion:
Despues ta acudi na Financiën di Directie Volksgezondheid pa cumpli cu pago di
Afl. 30,-

Testnan cu mester wordo haci ta test na un laboratorio y ta paga Afl. 40,- pa test di faeces (pupu) y lo mester entrega e faeces (pupu) no mas tarda cu 2 dia cu a cuminsa cu e proceso. Tambe lo mester hasi e test di Röntgen. Esaki ta pa personanan di (18 aña+) y lo mester saca un potret di thorax (pecho). Pa e test aki mester acudi na Hospital, ImSan of Urgent Care pa saca potret, esaki tin un costo tambe.
Pa cu e resultado di e testnan aki, despues di 10 dia di trabou cu e persona a entrega e faeces (pupu) na Laboratorio por acudi na seccion Dienst Warenkeuring en Hygiëne di Directie Volksgezondheid pa busca e Certificado di Salud (ex Caarchi Berde).
E Certificado di Salud tin un validez di 1 aña, e fecha di vencimento ta poni ariba e Certificado di Salud.
Pa mas informacion por tuma contacto libremente cu seccion Dienst Warenkeuring en Hygiëne di Directie Volksgezondheid na telefon 522-4200 of via email: [email protected]

FIN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio