Home » “MIND MATTERS” Conference

“MIND MATTERS” Conference

by Admin
0 comment 70 views

Ariba Diamars 7 di Mei, 2024 Fundacion F.A.D.A cu aporte di Aruba Bank y Piso Tres lo organisa pa prome biaha un conferencia educativo “MIND MATTERS” Conference, un conferencia riba e topico di Salud Mental.

Cu e conferencia aki, F.A.D.A kier ofrese e comunidad di Aruba e oportunidad di atende un evento unda cu oradornan local y internacional lo presenta topiconan di actualidad pa cu bienestar di Salud Mental.

F.A.D.A, Fundacion Anti Droga Aruba, ta traha ariba e tereno di prevencion y conscientisacion. Nan mision ta pa lanta y lidera un comunidad saludabel den e prevencion di e uzo y abuso di diferente substancia y promove e bienestar di salud mental y pa apoya y educa e hobennan, nan famia y e comunidad pa preveni e uzo di droga legal of ilegal. 

Desde 2022 FADA ta enfocando su mes mas riba salud mental, y recientemente a lansa su tarea mas nobo cu ta enfoca riba prevención di desbalanse cu Salud Mental a lanta differente Jingle, Video, Campaña y contento di por menciona cu awe nan ta lansa nos prome conferencia di Salud Mental Aki na Aruba. 

E objectivo di e conferencia ta pa provee comunidad henter en especial mayor(nan), educador(nan), entrenador(nan), dunador di trabou, empleadonan infomacion riba Salud Mental, un tópico taboo den nos comunidad pero uno sumamente importante y necesario. 

Un conferencia una cu oradornan local y internacional lo provee differente “tools” y informacionan importante basa riba nan estudio y experiencia. 

E anochi lo wordo guia door di e “host” moderadora, Mingli Chung, un hoben dinamico, entrepreneur den e ramo di “Trauma Informed Leadership & Business Coaching”. Su experiencia riba e tereno di ta trauma sigur lo yuda trece preguntanan y splikashon nan clave durante e anochi aki. 

Como Orador Local nos tin Dorilis Werleman, psycologo y directora di Psycoach. Dorilis tambe a lidera e implementacion di Codigo di Proteccion den e sector hudicial. Dorilis ta conosi pa su experto cu hoben, adulto, pareha, famia, servicio nan social, divorcio y mucho mas. E anochi aki Dorilis lo bay elabora riba diferente ayudo nan cu tin, ki momento pa hasi uso di ki tipo di yudansa, por ehempel life coach, psycologo, trahador social etc y tambe lo bay splika tur locual ta e diferencia di desbalansa den salud mental y mental disorder.

Como Orador Internacional, biniendo for di Bonaire nos tin Dekorandus, Marcelino Mauricio, Marcelino tin Anjas ta dedica su mes na cuido y prevención di hende cu problema cu salud mental. Na 2012 a lanta y dirigi e Fundacion Mental Health Caribbean, Marcelino tin hopi anja yudando pais nan den Caribe y na Hulanda como orador, adviseur y mucho mas. Marcelino banda di su estudio e mes a experiencia reto cu su salud mental y lo bay elabora mas riba e tema aki. Di con e ta cuminsa, kiko ta e señal nan, kiko pa hasi ora experiencia esaki nan den bo mes of den sernan keri. Paso mayoría hende tende e palabra salud mental ta pensa directamente riba suicidio pero ta importante pa educa nos mes na kiko tur e paso nan ta prome cu jega eynan, con pa yuda y reconoce reto nan nos mes, pa un familiar, colega amigo, trahador.  

E Conferencia lo tuma lugar Diamars, 7 di Mei na Cas di Cultura. Conferencia lo ta di 6PM pa 9PM. For di 5PM porta lo habri unda tambe por probecha di tur e information booths nan. Ta asina cu prome y después di Conferencia lo tin differente compañía, organización y instancia nan presente den e foyer, e asina jama “Mind Matters Info Foyer” pa asina brinda tur presente cu informaciónan valioso, tipo di servicio, actividadnan y asta specials. Lo bay rifa differente premio nan tambe por pensa riba life coach sessions, spa, yoga giftcard, mindfulness practices y hopi mas! 

Pa ticket lo por cumpra via Pay.aw, of personal na FADA of Cas di Cultura. Organisadornan a sigura pa pone un prijs accessibel pa un y tur. E ta solamente Awg. 35 esaki sigur ta pa asina nos por tin un sala yen cu maestronan, mayornan, empleadonan, dunador di trabou, y comunidad henter. 

Cu e conferencia aki, e organisadornan kier ofrese e comunidad di Aruba, e oportunidad di atende e prome conferencia di Salud Mental, Mental Health organisa pa F.A.D.A hunto cu Aruba Bank. Un evento unda cu oradornan local y internacional lo presenta topiconan di actualidad pa cu e bienestar di Salud Mental! A bira ora Aruba! 

Un danki special na tur persona cu ta yudando na hasi e conferencia aki un realidad: Aruba Bank, Piso Tres, Elite Productions, UrDesigns, KiConnect Solutions, PsyCoach y full e team di FADA cu ta trahando duro pa trece un conferencia di calidad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio