Home » Toyota Yaris a bolter sacando un di e tres ocupantenan di e auto, den situacion critico e la wordo hiba Hospitaal

Toyota Yaris a bolter sacando un di e tres ocupantenan di e auto, den situacion critico e la wordo hiba Hospitaal

by Admin
0 comment 278 views

Green Corridor – Diadomingo merdia rond di 1’or informacion a drenta cu un auto a bolter a poco pabou di rotonde di Balashi(ex Drive In).

Mesora polis a dirigi nan mes pa e sitio, y ta constata cu berdad un auto a bolter y tin un persona grave. Den e auto tawata 3 persona, un dama y dos cabayero.

Version di testigo

Na e sitio esnan cu a mira e accidente sosode a conta cu nan tawata bayendo direccion rotonde Balashi, y dado momento a mira un Toyota Yaris color blanco cu tawata bayendo direccion pabou bula over di e berm.

Pa despues bay bolter y bay termina den e mondi pazuid. Tambe nan a conta cu nan a mira un persona a wordo saca di e auto durante cu esaki tawata bolter.

Ambulnace cu a yega hopi lihe, a transporta e victima ey cu maximo urgencia pa Hospitaal. Segun a wordo bisa na e sitio lo ta trata di un dama.

Departamento nan concerni tur a yega e sitio, y tambe Fiscal Van Der Biezen cu ta wordo notifica ora cu tin accidente nan grave manera esaki.

Tres ambulance en total a presenta na e sitio y tur e ocupantenan a wordo hiba Hospitaal.

Locual nos por a mira ta cu e Yaris pa un of otro motibo y tambe velocidad halto a sera un brake y hala bay links, cu e resultado cu e no por a controla e vehiculo mas y bula bay otro banda.

Caminda di Green Corridor a wordo cera ambos banda, tanto pa bay San Nicolas y pa bay Playa.

 

8

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio