Polis mester a actua rapidamente na Eerste Hulp, evitando otro bringamento

Dr.Horacio Oduber Hospitaal – Diabierna atardi, algun rato despues cu a yega Eerste Hulp cu un di e personanan hinca, problema a start eynan tambe entre un grupo.

Aki, ta unda cu polisnan cu tawata disponibel mester a core bay Hospitaal pa intermedia y evita un drama eynan tambe.

E problema aki a cuminsa dos dia pasa, cu un of mas persona a dal un homber den Tarabana y posiblemente fractura su craneo. E persona ey ta den I.C.U segun informacion.

Posiblemente e homber por a logra bisa su famia kiko lo a sosode y esaki a conduci na e racha di violencia diabierna merdia.

Unda cu dos hoben y dos adulto a resulta herida.