Home » Concierto di apertura di Aruba Doet na Cas di Cultura

Concierto di apertura di Aruba Doet na Cas di Cultura

by Admin
0 comment 139 views

Despues di un edicion exitoso na 2023, Cas di Cultura un biaha mas ta organisa e concierto  di apertura di Aruba Doet pa su boluntarionan y tambe pa personanan cu limitacion.  

Riba diahuebs, 14 di maart 2024 tur boluntario di Aruba Doet y pueblo di Aruba henter ta  invita pa un anochi yena cu musica y canto. E concierto ta cuminsa 7’or di anochi den e  auditorium (sala grandi) di Cas di Cultura y entrada ta completamente gratis. Pa reserva lugar mester manda un e-mail na [email protected].  

E banda musical “The Blue Mermens” lo habri e anochi cu ritmo y ambiente di Virginia  Rasmijn, Reno Steba, Serghio Jansen, Ricardo Añasgo y Richard Holmond.  

Ataniro y DJ Sky tambe lo ta “den cas” y e anochi lo finalisa cu karaoke, unda cu publico lo  por subi escenario y demonstra nan talento. E evento lo ta di 7’or pa 9’or di anochi.  

Un y tur ta keda cordialmente invita pa un anochi alegre, na unda inclusion di esnan cu  limitacion ta central. Aruba Doet ta wordo organisa door di CEDE Aruba den colaboracion cu Oranje Fonds. Cas di Cultura ta gradici tur esnan cu a inscribi pa bira boluntario y cu lo ta  activo durante henter e fin di siman aki cu varios proyecto na beneficio di nos comunidad. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio