Home » Bureau Traimerdia Aruba (BTM) a habri su porta nan pa Universidad di Aruba Facultad di Organization Government Management (OGM)

Bureau Traimerdia Aruba (BTM) a habri su porta nan pa Universidad di Aruba Facultad di Organization Government Management (OGM)

by Admin
0 comment 148 views

Bureau Traimerdia Aruba (BTM) a habri su porta nan pa Universidad di Aruba Facultad di Organization Government Management (OGM) a haci un estudio riba e servicio “Client Satisfaction” cu BTM ta ofrece.
Desde 1996 Bureau Traimerdia ( BTM) a sa di ofrece atencion, orientacion, cuido y guia di calidad halto na mucha di 4 te cu 12 aña cu ta asisti na scol basico y scol special despues di scol . Alabes ta contribui na nan desaroyo social y emocional pa sigura un ambiente safe, personanan feliz y saludabel den nos comunidad den oranan di merdia.
BTM ta den un proceso di desaroyo y di cual ta den e proceso di implementa protocolnan official cu lo yuda reforsa e operacion BTM y garantisa e consistencia di calidad y servicio na e 8 centronan cu ta ubica den e edificionan di scol publico den diferente districtonan di Aruba. BTM actualmente ta guiando un total di 750 mucha entre 4 pa 12 aña di scolnan basico y special, cu un lista di espera ± 400 mucha.
E studiantenan di segundo aña di e Facultad di OGM di Universidad di Aruba a inicia na November 2023 un estudio riba “ Client Satisfaction” y a acerca Bureau Traimerdia (BTM) como e organisacion pa realisa nan investigacion. Meta di e investigacion aki ta pa colecta data cu por yuda BTM pa compronde e dinamica y servicio di e organisacion y yuda na impulsa desicionan strategico.
Recientemente , Maart 01, 2024 directie y tur centrumhoofd di BTM a haya presentacion di e resultado di e investigacion for di e studiantenan di Universidad. Tabata un presentacion sumamente amplio y cu informacionan valioso cu sigur lo sa di yuda BTM pa sigui brinda un miho servicio na su clientenan cu den e caso aki ta e mayornan y muchanan.
BTM kier gradici Universidad di Aruba y na su studiantenan di OGM pa nan investigacion y pa acerca y scohe BTM como e organisacion pa realisa nan investigacion, di cual BTM ta sumamente gradici pa nan sosten y dedicacion durante ful e proceso. Sigur tur e data cu a wordo colecta lo contribui y yuda na e strategia di BTM cu lo optimalisa e servicio pa cu su clientenan y sigui brinda un bon servicio na nos clientenan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio