Home » PROME MINISTER A REUNI CU COMISION CONTRA VIOLENCIA DOMESTICO

PROME MINISTER A REUNI CU COMISION CONTRA VIOLENCIA DOMESTICO

 Cu un maneho estableci, Gobierno por tuma paso firme pa stop abuso di hende muhe y mucha muhe

by Admin
0 comment 114 views

 

 

ORANJESTAD — Recientemente Prome Minister Evelyn Wever-Croes a reuni cu e Comision Contra Violencia Domestico pa asina delinea e tareanan pa aña 2024. E meta di Gobierno di Aruba ta pa fiha un maneho y frena e fenomeno negativo aki. 

Manera cu el a anuncia na fin di 2023, Prome Minister a institui un comision multidisciplinario nacional pa atende cu e tema pa stop abuso di hende muhe y mucha muhe, Comision Contra Violencia Domestico, pa specialmente atende cu e tema aki debi cu na Aruba tin demasiado caso di abuso di hende muhe y mucha muhe ta tuma luga. 

Prome Minister a institui e comision aki bou guia di Centro di Desaroyo di Hende Muher (CEDEHM). E miembronan di e Comision Contra Violencia Domestico ta: Alexlindy Croes, Luis Carlos Alberto Orman, Keaneeh Krozendijk, Silvia Magaly Maduro y Miangela Ras. 

Prome Minister a expresa su gradicimento na e miembronan di e Comision Contra Violencia Domestico cu a acepta e reto grandi y importante aki y a pone enfasis riba e echo cu awor cu tin un maneho estableci pa trata e tema aki, Gobierno por tuma paso firme pa stop abuso di hende muhe y mucha muhe.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio