Home » E META DI GOBIERNO TA PA EDUCA Y PREPARA NOS HOBENNAN PA DEN FUTURO NAN POR SUBI E MERCADO LABORAL EXITOSAMENTE 

E META DI GOBIERNO TA PA EDUCA Y PREPARA NOS HOBENNAN PA DEN FUTURO NAN POR SUBI E MERCADO LABORAL EXITOSAMENTE 

by Admin
0 comment 100 views

 

STEM X Youth Summit a conta cu un sala completamente yen

 

ORANJESTAD – Diasabra ultimo a tuma luga e prome STEM X Youth Summit. Esaki ta un seminario cu a wordo organisa pa Gobierno di Aruba, Futura, y SETAR specialmente pa hobennan di 14-18 aña, riba e tereno di STEM (Ciencia, Tecnologia, Ingenieria, y Matematica). Prome Minister Evelyn Wever-Croes a expresa di ta sumamente satisfecho di por a mira un interes grandi di parti di nos hobennan pa atende e seminario aki. E sala tabata completamente yen pa un evento cu a “sold out” den tempo record. 

E prome orador tabata señorita Jillian Oduber, cu ta un studiante di ‘Aerospace Engineering’ na TU Delft, cu a hiba palabranan interesante, compartiendo su experiencia studiando den e area aki. Prome Minister a expresa di ta spera cu e seminario sirbi como inspiracion pa e hobennan pa studia den e direccion aki, mirando cu hopi trabou den futuro, mas sigur lo ta den e area di STEM. Mayoria di e hobennan cu ta actualmente studiando, lo bay traha den trabounan cu awe no ta existi ainda, cual ta haci dificil pa sa exactamente con pa prepara nan pa subi e mercado laboral. Importante si ta, pa enfoca den e area di STEM, haciendo nan trayectoria di aplica pa trabou mas facil, garantisando cada un di nan un miho futuro. 

“Mi kier gradici Futura y Setar pa organisa e evento aki hunto cu Gobierno di Aruba. Seminarionan asina ta hopi importante pa educacion di nos hobennan. Durante e seminario aki, nan a haya e oportunidad di scucha palabranan inpsirativo di un studiante di STEM, y nan a haya e oportunidad di tuma parti den diferente workshop, pa asina tin un idea den ki area nan tin mas interes pa sigui. Mi ta contento di por a asisti na e conferencia aki y mira e entusiasmo den cada un di e hobennan presente. E meta di Gobierno ta pa educa nos muchanan di e miho manera pa nan ta bon prepara pa subi e mercado laboral den futuro”, Prome Minister a expresa. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio