Aruba tabata monitor for di dia 12 di februari 2024 e incidente pa locual ta regarda Oil Spill na Trinidad and Tobago. Den e fase di monitor aki na Aruba ta wordo concidera cu ta den fase GEEL.
Actualmente nos a haya e confirmacion cu na nos ruman isla di Bonaire y Curacao a constata patchnan/teer di e oil spill cu a yega na nan costa.
E situacion aki a pone cu Aruba a pasa pa codico ORANJE cual ta significa cu ta pasa pa standby pa cualkier eventualidad.
E fase oranje aki den e plan di accion pa locual ta regarda Oil Spill pa Aruba ta, cu asina cu Bonaire sinti efecto di un Oil Spill Aruba ta pasa pa e fase ORANJE/standby. Den e fase aki lo pasa na costanan regularmente y monitor si por constata patchnan/teer cu por a yega nan nos costa.
Accionnan cu lo tuma den caso cu constata patchnan/teer di azeta na nos costa:
Accion di limpiesa imediato:
• Si e ta na un di e sitionan cu publico ta landa.
• Si e ta na un di e sitionan cu turtuga tin neishi of cu nan ta uza pa nan neishi.
No ta tuma accion imediato
• Tur patch/teer riba barancanan esakinan lo keda si nan no tin risico pa hende of bestia.
Di parti di Crisis Management Office (CMO) Aruba ta haci e yamada na tur persona cu ta bishita nos costanan den e dianan nos dilanti pa yuda tira un bista pa asina wak si ta dectecta cualkier señal di patch/teer di azeta. Den caso cu constata algo por reporta esaki na
• e-mail [email protected]
• na telefoon 588-0100
• app +297 592 9600
Aruba a pasa di codico Geel pa codico Oranje den e Oil spill incident Trinidad & Tobago
113