Home » Abogado David Kock y Ducapro cu caso contra 100.9-Hits100FM

Abogado David Kock y Ducapro cu caso contra 100.9-Hits100FM

by Admin
0 comment 124 views

Oranjestad, 21 di Februari 2024 – Diabierna awor lo tuma lugar un caso den corte caminda cu abogado David Kock den nomber di Ducapro ta demanda e radio emisora 100.9-Hits100FM (Q-waves N.V) pa stop di toca musica den aire cu ta proteha pa e organisacion di proteccion di derechonan di autor Buma/Stemra.
E caso aki lo tuma lugar diabierna awor pa 10:30 di mainta y e lo ta un kortgeding.
Hits100FM mescos cu tur otro radio emisora comercial na Aruba ta toca musica local y internacional ya pa alrededor di 70 aña caba. Nunca antes e radio emisoranan a wordo cobra pa derechonan di autor pa motibo cu organisacionnan di derecho no tabata considera e islanan chikito aki manera Aruba, Corsow, Boneiro y otronan, como mercadonan di interes pa motibo di nan tamaño y nan economia hopi limita. Abogado Gabriela Sjiem Fat lo defende 100.9-Hits100FM den e caso interesante aki mayan mainta. Director di 100.9-Hits100FM Sr. Aldrich Croes a declara cu nan no ta contra pa paga pa derechonan sinembargo e mester ta na un tarifa husto y teniendo na consideracion tur e factornan cu ta causa un impacto negativo riba e bienestar di radio emisoranan na Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio