Home » Giuseppe Papagni(36) ta bira e prome morto den trafico aki na Aruba

Giuseppe Papagni(36) ta bira e prome morto den trafico aki na Aruba

by Admin
0 comment 342 views

J.E YRAUSQUIN BOULEVARD – Diamars marduga algo pasa di 2’or y mey polis a bay altura di Dutch Dutch Village pa un auto cu a bolter.

Na yegada polisnan a topa cu un Kia Rio y mesora por a tuma nota cu e chauffeur no ta mustra bon.
Aki ta unda a pidi ambulance y materiaalwagen cu urgencia.

Na yegada di brandweer solamente a keda di saca e curpa sin bida di e chauffeur. Aki ta unda a bay over pa notifica e departamentonan concerni y tambe dokter.

For di Sra. Rasmijn vocero di Cuerpo Policial nos a ricibi e siguiente informacion oficial di locual a sosode:

” Cuerpo Policial Ta Informa—

PROME MORTO DEN TRAFICO PA AÑA 2024.

Diamars madruga pa 02:44 central di polis ta wordo informa di un accidente basta pisa den e bocht na altura di Tamarijn All Inclusive .
Central ta despacha un patruya di biaha na e sitio di e sucedido.
Na yegada di e patruya ta topa cu un auto Kia Rio color shinishi numera A-5567 y aden tabata tin un chauffeur masculino cu no tabata reaciona.
Ambulance a presenta na sitio y no por a haci nada mas pa cu e persona.
Polis di trafico a presente como tambe polis technico pa cuminsa haci nan investigacion.
Pa 03:25 dr Texier ta constata morto di e homber Giuseppe PAPAGNI naci 24 maart 1987 (36 aña) na Italia.

Cuerpo Policial ta manda palabra di condolencia na famia di e fayecido.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio