Cumana – Diadomingo anochi un pareha lo a persigui nan Nissan March cu a wordo horta. No ta duidelijk si e la pasa e ora ey of un otro dia.
Un patruya ariba e caminda a bin topa cu dos Nissan March, esun horta y esun cu lo a avisa polis cu ta tras di e Nissan March horta. Pues nan tambe tawata den un March.
Eynan e esnan cu tawata tras di e March horta a conta polis locual a caba di sosode. Parse cu e ladron lo a enfrenta e doñonan di e March y lo a herida un cabayero basta bon den cara, y esaki tawata sangra basta.
Un dama cu tawata cu e cabayero cu a haya e golpinan tambe a bringa parse cu e ladron, prome cu esaki a core bay direccion ex Codemsa lagando un slof di Adidas atras. Polis a confisca esaki y tambe tas cu lo ta pertenece na e ladron di auto.
Ariba e tas, por a mira potret di un mucha, probablemente yiu di e ladron hoben.
Otro agentenan tawata busca cerca di e pad di ex Codemsa pero sin resultado.
Despues cu takelwagen a presenta y tur hende a bay di e sitio, un automobilista a capa momento cu e ladron a subi Watty Vos Boulevard, altura di e viaduct di Cumana y drenta un auto. Polis tin e datonan.
E ladron ta hoben, cabey largo wanta(Paardenstaart)y tawata den un short. Polis a wordo avisa.
