Watty Vos Boulevard – Diadomingo anochi den careda di 7’or, un poco mas pabou di e brug di Hato direccion Bushi a sosode un accidente.
Informacion a drenta cu un auto a bolter ariba WVB y lo tin dos persona herida.
Na yegada di polis, a bin topa cu un Kia Picanto color cora ariba su banda. Banda panort di caminda; por a mira cu e impacto tawata contra e vangrail. Un impacto fuerte, mirando con e hero di e vangrail a keda.
Den auto tawata tin un famia, un un pareha cu nan baby cu a mas cu claro a pasa den un susto grandi.
E vehiculo bayendo direccion rotonde Bushiri a perde control y dal contra e rail panort y despues bolter.
Polis di trafico a presenta y tambe ambulance. Caminda a wordo cera for di rotonde Ponton. Paramediconan a opta pa bay cu e famia Hospitaal pa mas observacion. Nan tawata mustra ok e momento eynan, e baby tawata spanta y tawata yora bastante.
