Home » PARADA DI CARNAVAL DI COLEGIO LAURA WERNET-PASKEL

PARADA DI CARNAVAL DI COLEGIO LAURA WERNET-PASKEL

by Admin
0 comment 122 views

 

 

Diabierna 2 di februari 2024, muchanan di Colegio Laura Wernet-Paskel na Kadushi Largo pa di su 45 aña ta celebra Carnaval cu un parada conhuntamente cu participantenan di otro scolnan di bario di Santa Cruz.

 

Nos parada lo sali 5’30or di atardi for di parkeerplaats di Colegio Laura Wernet Paskel. E parada ta bira na e crusada di Sero Compa y Kadushi Largo bay pariba direccion Angochi y ta lora despues pa termina e parada riba e veld di Sportboys Club.

Colegio Laura Wernet-Paskel tin como tema e aña aki: 

‘MUSICA TA BIDA’

Tur aña muchanan di diferente scolnan di cuido, preparatorio y scolnan basico ta participa na nos parada di Carnaval. E aña aki ta compaña nos: 

  • Curason Contento cu e tema Indjan.
  • Sint Jan Kleuterschool cu tema di “Candy Land.”
  • Cacique Macuarima cu e tema di “indjan den celebracion.”
  • Colegio San Hose cu tema di “Shoconan di San Hose ta hisa benta den 70.” 
  • Y aña ki un bez mas De Schakel basisschool tambe lo participa na nos parada, cu e tema di “Jungle”.

Nos ta gradici e scolnan di awor caba cu tur aña ta yuda engrandece nos parada.

Un y tur ta keda cordialmente invita pa bin presencia e parada anual di nos muchanan di Santa Cruz. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio