E siman aki tabata programa pa tuma luga na Alabama e prome ehecucion conoci cu gas nitrogeno. Esun prome tabata e inyeccion letal na 1982.
Esun cu ta condena ta Kenneth Smith, ken a wordo sentencia na pena di morto pa su papel den e asesinato pa encargo di Elizabeth Sennett na 1988.
Smith a pasa den un intento di ehecucion cu a faya mediante e angua letal na 2022 y si e biaha aki ta resulta, Alabama lo bira e prome estado di Merca den utiliza gas nitrogeno pa e pena capital.
Poco ta conoci di e metodo, hipoxia di nitrogeno durante un periodo di ehecucion di 30 ora di diahuebs te cu diabierna, ya cu e protocol publica pa e estado tin redaccionnan cu, segun e expertonan, ta proteha detayenan clave di e escrutinio publico
.
“Esaki ta un protocol cu a wordo crea for di nada “, asina a bisa Robin Maher, director ehecutivo di Death Penalty Information Center, un organizacion sin fin di lucro cu ta critica e problemanan ora di administra e pena capital na Merca, pero no ta adopta un postura tocante e politica aki riba su mes.
“No tin precedentenan pa esaki (…) No tin pruebanan di e procedimiento. Niun hende sa con e ta bay sosode, Maher a expresa.
E metodo aki ta induci e morto ora cu ta limita e curpa di oxigeno locual lo provoca e inconsciencia y e morto hopi lihe.