Un estudio nobo ta sugeri c’un analisis di sanger pa detecta un sorto di proteina denomina ‘tau fosforilada o p-tau’ lo por sirbi pa detectar e malesa di Alzheimer cu “gran precision”, inclusive prome cu e sintomanan cuminsa aparece.
Den e estudio a haci un analisis di sanger pa detecta un biomarcador clave di Alzheimer yama ‘p-tau217’, cu ta aumenta na mesun momento cu otro proteinanan dañino (beta amiloide y tau) ta acumula den e cerebro di e personanan cu e malesa.
Actualmente, pa identifica e acumulacion di beta amiloide y tau den cerebro, e pashentnan ta somete na un scan cerebral of un test na e lomba (parti abao), cu regularmente por resulta inaccesibel y costoso.
Sinembargo, e analisis simpel aki di sanger a demostra di tin un precision di 96% den e identificacion di nivelnan eleva di beta amiloide y di 97% den e identificacion di tau, segun e estudio publica dialuna den e revista academico JAMA Neurology.